يقين الزهراء



 
الرئيسيةالتسجيلدخول

شاطر | 
 

 سلوكيات لا تعجبني في أيام محرم !

اذهب الى الأسفل 
كاتب الموضوعرسالة
جمر الهوى
نائب المدير
نائب المدير
avatar

انثى
عدد المشاركات : 496
نقاط : 780
السٌّمعَة : 3

مُساهمةموضوع: سلوكيات لا تعجبني في أيام محرم !    الجمعة ديسمبر 10, 2010 9:45 pm

بسم الله الرحمن الرحيم

اللهم صلي على محمد وآل محمد وعجل فرجهم واهلك عدوهم من الجن والانس ..

السلام عليكم ورحمة الله وبركاته

حبيت اطرح موضوع موجه حق فئة الشبابي ختص شوي بالقضيه الحسينية وبخدام الحسين وبما يلقى من على المنابر ،،

أشياء واقعيه اشوفه جدام عيوني واتوقع الكل مر عليه وكل سنة عن سنة تزيد

بداية .. بدا شهر محرم وبدت الناس تتوجه للحسينيات وتدور انسب خطيب وانسب حسينية ..

لكن بعض فئة الشباب لازم تطلع لها بطلعه ..

تروح اتدور لهاانسب خطيب من ناحيه انه مايوجه قضايا شبابيه توقف ضدهم ..وانسب حسينية من نايحة الازدحام وتواجد البنات والشباب بره الحسينية

الي حاصل والي نشوفه بداية الحسينية ماشاء الله المكان فل .. يبدي يلقي السيد او الشيخ محاظرته تنزل راسك شويه ولمن ترفعه تنصدم وين الي كانو قاعدين ،، كل شويه يقوم نفر نفرين الى ان يروح نص الوكت من المحاظره ،هني تتفاجأ عدل انك لمن تطالع ماتلقى داخل الحسينية الا الحريم الكباار والياهال الصغاار ومن صوب الريايل ماتلقى الا من الثلاثين وفوق

وين راحو الباجي وين الشباب وين البنات !! تلقاهم بره الحسينية الشباب يستعرضون عضلاتهم جدام البنات والبنات يتضحكون ..وهذاك الي يعطي رقم pin ماله اشكره ..والي يغازل على هبل ...ووالخ

انزين هذا هدفك حق ييتك للحسينيه ؟ اذا انت ياي تغازل او مو ياي تسمع عيل شحقى ياي؟!! تقعد ابيتكم احسن وابرك

أصلا انت بجذي تشوه سمعة الحسينيات التي تقام بهالمنظر

يا اتيي حق تسنع نفسك او ما اتيي خير شر

،،،

هذا من جهة .. نروح لجهة ثانيه

الشباب صارو مايعجبهم العجب مايحبون الخطيب كبير في السن بحكم انه محاضرته مايستوعبونه لشدة المعلومات ويبيلها عقل واعي
ولا يحبون الخطيب يكون شوي شبابي لانه يطرح مشاكل الشباب او بمعنى اصح سلوكيات خاطئه يسويها الشاب ..صارو الشباب مايبون احد يوقف ضدهم على الغلط ولا يبون ياخذون بالنصيحة

قبل يومين في حسينية قال السيد حللو معاشكم يعني مو تعطي رفيجك يطق لك الكرت وانت نايم بالبيت .. جان واحد سمعته يعلق على هالكلام وقال عن السيد بطالي اروح ادور مكان ثاني احسن

او اييك السيد يتحجى عن المغازلجيه او عن الي يطلعون عضلاتهم،، يقعدون الشباب ينزعجون ويقولون هذا السيد ماعنده سالفه او يقول حجي بطالي ،مينون ! او ماعنده حجي غير عنا احنا الشباب !

انزين انتو يالشباب تدرون انه هذي السوالف كلها مالها داعي تسوونها وتدرون انها غلط عيل ليش تنزعجون لمن الواحد ايي ينصحكم؟

انت شحقى ياي الحسينيه ؟؟ المفروض تكون ياي عشان تنفع نفسك وتستفيد وتصلح من اخطائك ..ويزاه الله الف خير هذا الخطيب الي يطرح قضاياكم عشان الواحد يعدل من روحه

اوكي ماعجبك كلامه لا تقعد تطنز على الخطيب وتطلع عليه حجي ..

،
،
،

نروح الحين الى خدام الحسينيات

انا بس بعلق الي يقعدون يصبون فيمتو بره ..

في بعض الشباب والله مايستحقون هالخدمه لاعندهم اسلوب عدل في التعامل وقلة احترام حق مختلف الفئات العمريه

اذكر موقف حصل السنة الماضيه كان في وحده انا يوميا كنت اشوفها اتييب معاها ابطوله فاضيه تروح عند اشباب الي يصبون فيمتو عشان يعبون لها البطول (اهو الغرشه)
المهم يوم من الايام شفتها ياياه معاها بطولتها وطبعا الي يصبون فيمتو احفطوها من كثر ييتها ..المهم عطت بطولتها حق واحد من الشباب جان يرد عليها ويقول لها انتي من وين اتيبين هالبطول املقطتهم من الزبالات ..انا استغفر الله قمت اضحك على كلمة " املقطتهم من الزبالات " بس بنفس الوكت استحقرت هذا الولد لانه عييب المره كبر امه ..
وبما انك تخدم الزهراء في عزاء ولدها الحسين المفروض تحترم كل الي يحظرون العزاء سواء صغير ولا كبير وتحطهم على راسك مو تسيئ لهم
الزهراء لاتحط في بالك انها بترضى عليك بهالطريقه ..

اعم كلامي كله واقول ..

انت يا الشاب او الشابه ياين الحسينية بهدف أحياء عزاء سيد الشهداء ويايين عشان تسمعون لكم جم كلمة تستفيدون منها بحياتكم ..مويايين عشان تحيون الغزل بره الحسينية او عشان تصيرون "لا اسمع لا ارى " وكت المحاضره

الامام الحسين سلام الله عليه جمعنا في هالحسينيات بهدف الاصلاح .. الحسين منهاجنا السليم والقويم في حياتنا الحسين متعلق بكل صغيرة وكبيره في حياتنا ..

القضية الحسينية علمتنا الكثير الكثير علمتنا القيم والمبادئ والسلوكيات دلتنا على الطريق الصحيح علمتنا انه نكون اعزاء ماننخضع للذل ...ألخ

عشان جذي نقول الحسينيات تربي واحسن تربية تربية الحسينيات و اخذوا بكل مايقال على المنابر لانها كلها منهاج حسيني قويم مرتبط بماضينا وحاظرنا ومستقبلنا

واقول حق الي مايعجبه كلام الخطيب ترى الخطيب ما ايب الكلام من عنده ومن كيفه الامام الحسين ماقال تعالو غازلو ومن هالحركات ..

هذا الامام الحسين رسم لنا منهاج اذا ماخذينا وعملنا فيه راح نندم ونتحسف باجر والخسارة راح تكون لنا ..

وخدمة الحسين شرف وحرام اتضيع هذا الشرف من ادينك بجم كلمة تقطها على الأوادم

واخير شي اقول حق البنات القرقه في الحسينيات احترمو صاحبة العزاء وقدرو المصيبة ..

وبالنهايه مأجورين جميعا

_________________
الرجوع الى أعلى الصفحة اذهب الى الأسفل
المدير العام
منشئ الموقع
منشئ الموقع
avatar

ذكر
عدد المشاركات : 329
نقاط : 612
السٌّمعَة : 2

مُساهمةموضوع: رد: سلوكيات لا تعجبني في أيام محرم !    الثلاثاء ديسمبر 14, 2010 9:43 am


شكرا الله يعطيش العافية

_________________
الرجوع الى أعلى الصفحة اذهب الى الأسفل
http://hfah.3oloum.com
الحزينة
عضو فضي
عضو فضي
avatar

انثى
عدد المشاركات : 400
نقاط : 409
السٌّمعَة : 1

مُساهمةموضوع: رد: سلوكيات لا تعجبني في أيام محرم !    الثلاثاء ديسمبر 14, 2010 12:11 pm

شكرا على الموضوع الحلو
الرجوع الى أعلى الصفحة اذهب الى الأسفل
 
سلوكيات لا تعجبني في أيام محرم !
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
يقين الزهراء :: اليقين العام :: يقين العآم ..-
انتقل الى: